Logo

Ոչ վիրաբուժական գինեկոլոգիայի բաժանմունք

Բաժանմունքում անցկացվում են բուժական միջոցառումներ՝ ուղղված ամուսնական զույգի վերարտադրողական առողջության պահպանմանը և ամուսինների մոտ մանկածնության ֆունկցիայի վերականգնմանը:

 

Բաժանմունքի կլինիկական գործունեության հիմնական ուղղություններն են.

1. Վերարտադրողական համակարգի էնդոկրին խանգարումներով՝ անօվուլյացիա (անձվազատություն), դիսօվուլյացիա (ձվազատման խանգարում), հիպերանդրոգենեմիայի տարբեր ձևեր (ԶՊԿՀ, ԱԳՀ)),  էնդոմետրիոզով նախադաշտանային և դաշտանային ցավային համախտանիշ­ներով հիվանդների բուժում:
2. Կնոջ կյանքի տարբեր տարիքային շրջանների դիսֆունկցիոնալ արգանդային արյունահոսություն­ների բուժում՝ սկսած դեռահասային տարիքից (յուվենիլ (դեռահասային) արյունահոսություններ), մինչև նախա- և հետդաշտանադադարային տարիքը:
3. Կլիմակտերիկ (դաշտանադադարային) համախտանիշի բուժումը փոխարինական հորմոնաբուժմամբ: Օգտագործվում են նաև կլիմակտերիկ համախտանիշի կանխարգելման և բուժման ոչ հորմոնային մեթոդներ:
4. Սեռական ճանապարհով փոխանցվող վարակների (ՍՃՓՎ), մանրէական և վիրուսային ծագման բորբոքային պրոցեսների (կենսընթացների) ախտորոշում և բուժում:
5. Ներարգանդային պարույրի (ՆԱՊ) տեղադրում և հեռացում:
6. Արգանդի պարանոցի բիոպսիա (կենսազննում), արգանդի խոռոչի և ցերվիկալ կանալի (պարանոցի խողովակի) անջատ քերում:
7. Արգանդի պարանոցի ֆոնային (նախաքաղցկեղային) հիվանդությունների բուժում:
8. Հղիության արհեստական ընդհատում (աբորտ):

 

Կենտրոնում անցկացվում են հղիության ընդհատման հետևյալ ձևերը՝ կախված հղիության ժամկետից, ինչպես նաև կնոջ առողջական վիճակից և ցանկությունից.

  • Դեղորայքային աբորտ՝ դաշտանի մինչև 62 օր ուշացման դեպքում: Դեղորայքային աբորտն ընթանում է գործնականորեն ինչպես դաշտանը, չի պահանջում ցավազրկում և վիրաբուժական միջամտություն, այսինքն հանդիսանում է քիչ տրավմատիկ (վնասվածքային): Դեղորայքային աբորտի արդյունավետությունը կազմում է 96%:
  • Վակուում-ասպիրացիայի (վակուում-արտաքաշման) մեթոդով հղիության վիրաբուժական ընդհատում մինչև 12 շաբաթական ժամկետը: Արգանդի լորձաթաղանթը վակում-ասպիրացիայի դեպքում ևս նվազագույնս է վնասվում: Միջամտությունն իրականացվում է ներերակային անզգայացման տակ:
  • Հղիության ընդհատումը 13-22 շաբաթական ժամետներում իրականացվում է բժշկական ցուցումներով (վիրաբուժական և դեղորայքային եղանակներով):


Հարգելի՛ կանայք,

Պետք է հիշել, որ աբորտը բացասաբար է ազդում կնոջ օրգանիզմի վրա և կարող է դառնալ բորբոքային հիվանդությունների, չբերության, էնդոմետրիոզի պատճառ: Չնայած բարձր որակավորում ունեցող մասնագետների և հղիության ընդհատման խնայողական մեթոդների առկայությանը՝ ՄՄԱՊԳՀԿ-ի աշխատակիցները խորհուրդ են տալիս անցանկանալի հղիությունը կանխելու նպատակով օգտագործել բեղմնականխիչներ:

Աշխատակազմ

Բաժանմունքի վարիչ, բժշկական գիտությունների դոկտոր
Կարինե Կարենի Առուստամյան
Մանկաբարձ-գինեկոլոգ, բժշկական գիտությունների թեկնածու
Տոտոյան Էմմա Սերգեյի
Մանկաբարձ-գինեկոլոգ
Նելլի Երվանդի Բալայան
Մանկաբարձ-գինեկոլոգ
Նելլի Օնիկի Բասենցյան
Մանկաբարձ-գինեկոլոգ
Գալինա Վլադիմիրի Մաղալյան
Մանկաբարձ-գինեկոլոգ
Մարինա Յակովի Մկրտչյան, բ.գ.թ.
Մանկաբարձ-գինեկոլոգ
Լուսինե Զորիի Բալայան